Wikang Filipino: Isang bayan, Isang wika tungo sa kaunlaran at pagkakaisa ng bansa

 

Wika ang isang pangunahing instrumento na ginagamit sa pagbubuklod at pagpapatatag ng isang bansa sa kanyang lipunang ginagalawan. Ito ang nagsisilbing susi para sa maayos at magandang ekonomiya ng isang bansa, ito rin ay nakatutulong upang maging bukas sa mas maraming oportunidad ng kalakalan at kapayapaan sa loob at labas ng bansa. Sa Pilipinas, wikang Filipino ang ginagamit ng mga mamamayan sa bansang ito para sa kanilang komunikasyon at pang araw-araw na gawain. Bilang isang mamamayang Pilipino, mahalagang mayroon tayong kaalaman kung paano nakatutulong ang ating wika sa pag usbong at pag-unlad ng ekonomiya ng ating bansa sa iba’t ibang aspeto at larangan sa bawat lipunan.

 Ang wika ay nagtataglay ng kasaysayan, tradisyon at tatak ng isang bansa. Gaya sa atin, ang wikang Filipino naglalaman ng ating kasaysayan, kultura at identidad. Sa pamamagitan nito, nagkakaron ang bawat isa sa pagkakataon ng kaunawaan sa sariling pinagmulan ng ating bayan. Sa larangan ng edukasyon, nakatutulong ang wikang filipino sa mas madaling pagkatuto ng bawat mag-aaral na nagdudulot ng mas mataas na kaayusan at dekalidad na edukasyon tungo mas bukas na oprtunidad na pagkatuto. Sa pamamagitan ng paggamit ng wikang Filipino, mas nabubukas ang komunikasyon sa lokal na pamilihan, nagbibigay-daan sa mas maraming negosyo na makipag-ugnayan sa mas malaking merkado. Ang wikang Filipino ay nagbibigay daan din sa mas maraming mamamayan sa pagkakaisa sa proses ng inobasyon at pag-unlad, lalo na sa larangan ng tekonolohiya at siyensiya. Sa aspeto ng impormasyon at mediya, isa ang wikang filipino sa pagiging daan sa mas malalim na pag-unawa ng mga balita at impormasyon, nagbubunsod sa mas madaling pagsusuri at pagpapayo sa mga mamamayan. Maaari rin maging kasangkapan ang wikang filipino para sa mas mabisang pakikipag-ugnayan sa global na komunidad, na nagpapalakas sa kasaysayan ng bansa na makipag sabayan sa pandaigdigang pang-ekonomiya. Isa rin ang wikang filipino sa pagbibigay daan sa mas malalim na kaunawaan sa mga direksyon at payo na makikita natin sa ating paligid sa araw-araw na nagdudulot sa mas maingat at seguridad na pamumuhay sa ating bansa. Ang pagpapahalaga sa sariling wika ay nagdudulot sa pagpapalakas at pagtatag ng damdamin at loob ng isang mamayang pilipino, na nagbubunga ng mas pagmamahal at pagpapahalaga sa sariling bansa. Ang pagkakaroon ng malalim na pagkatuto at pag-unawa sa ating wika ay nagpapadali sa pakikipag-ugnayan sa mga tourista, sa pamamagitan nito mas nagkakaroon ng oportunidad ang bansa na mas palawakin ang kaalaman sa kagandahan ng ating bansa. At huli, sa larangan ng komunikasyon. Pinadali ng wikang Filipino ang komunikasyon sa pagitan ng ibang sector ng lipunan. Ito ay naglilikha ng mas mabilis at mas mabisang palitan ng idea at impormasyon.

Sa kabuuan, ang wikang Filipino ay hindi lamang kasangkapan na binabanggit at binibigkas natin sa pang araw-araw, bagkus isa rin itong pundasyon ng pambansang pag-unlad at tagumpay sa iba't ibang aspeto ng lipunan. Ito ay naging tulay para sa mas maayos na pagsulong at pagtatag ng ekonomiya ng bansa. Masasabi rin nating hindi lamang ito nakapagtatag at paunlad sa ating ekonomiya at bansa, ito rin ay nakatulong bilang maging isa at magkaroon ng pagkakaisa ang bawat mamamayan ng bansa.